राजविराज । सप्तरीमा खाल्डो खनी लुकाएर लागूऔषधको कारोबार गर्ने एक युवक पक्राउ परेका छन् ।
पक्राउ पर्नेमा अग्निसाइर कृष्णासवरण गाउँपालिका वडा नम्बर २ चौफल टोल बस्ने २२ बर्षीय सुनिल राई रहेको प्रहरीले जनाएको छ ।
राईले लागूऔषध ओसार पसार तथा बिक्री बितरण गरिरहेको विशेष सूचनाको आधारमा उनको घरमा पुगेको प्रहरी टोलीले उनीसँग सोधपुछ गर्दा राईले आफ्नो घर अगाडि रहेको करेसा बारीमा खाल्टो खनी भित्र लुकाई छिपाई राखेको देखाएका थिए ।
खाल्डोमा कपडाको झोलामा पोका पारी राखेको लागूऔषध लिजेसिक ८० एम्पुल, डाईजेपाम ७८ एम्पुल र फेनारगन ७५ एम्पुल गरी जम्मा २३३ एम्पुल बरामद भएको सप्तरी प्रहरीका प्रबक्ता एवं डीएसपी नरेश कुमार सिंहले जानकारी दिए ।
लागूऔषधसहित पक्राउ परेका राईलाई आवश्यक कार्वाहीका लागि ईलाका प्रहरी कार्यालय कंचनपुरमा राखिएको र यसबारे थप अनुसन्धान कार्य भइरहेको सिंहले बताए ।
