राजविराज । सप्तरीमा एक जेठानीले आफ्नै देबरानीलाई तातोपानी खन्याएर घाइते बनाएकी छन् । दुबैबीच विवाद हुँदा यो घट्ना भएको हो ।
जिल्लाको हनुमाननगर कंकालिनी नगरपालिका वडा नम्बर ५ योगिनियाँमा बुधबार राति यो घट्ना भएको प्रहरीले जनाएको छ ।
सप्तरी प्रहरीका प्रबक्ता एवं डीएसपी नरेश कुमार सिंहका अनुसार जेठानी उर्मिला देवी चौधरीले देबरानी रिन्जुकुमारी चौधरीको शरीरमा उम्लिरहेको तातो पनी खन्याएर घाइते बनाएकी हुन् ।
३० बर्षीया उर्मिलाले खाना पकाइरहँदा दुबैबीच विवाद भएको थियो । त्यस क्रममा उनले २५ बर्षीया देबरानी रिन्जुको शरीरमा उम्लेको पानी खन्याएकी हुन् ।
टाउको, अनुहार, छाती लगायत शरीरको विभिन्न भागमा पोलेको अवस्थामा उनलाई उपचारका लागि बि.पि. कोइराला स्वास्थ्य विज्ञान प्रतिष्ठान धरान लगिएको प्रहरीले जनाएको छ ।
घटनापछि जेठानी फरार रहेको र खोजी कार्य भइरहेको डीएसपी सिंहले बताए ।
