राजविराज । सप्तरीमा आईतबार दिउँसो भएको सबारी दुर्घटनामा छोरीको मृत्यु भएको छ भने पिता गम्भीर घाइते भएका छन् ।
पूर्व पश्चिम राजमार्ग अन्तर्गत खडक नगरपालिका ७ कल्याणपुर बजारमा पश्चिमबाट पूर्वतर्फ जाँदै गरेको बा.३ च ५२९३ नम्बरको कारमा विपरित दिशातर्फ आउँदै गरेको को. १५ प १९१ नम्बरको मोटरसाइकल ठक्कर लागि पूर्वबाट पश्चिमतर्फ जाँदै गरेको ना. ६ ख ९८५२ नम्बरको ट्रकको पछाडि ठक्कर लाग्न गई दुर्घट्ना भएको प्रहरीले जनाएको छ ।
उक्त दुर्घटनामा मोटरसाइकल पछाडि सबार उदयपुरको त्रियुगा नगरपालिका ९ बगाटोल बस्ने ३६ बर्षीय ध्रुब बस्नेतकी १० बर्षीया छोरी एन्जिलाको मृत्यु भएको छ । ध्रुब भने घाइते भएका छन् ।
दुर्घटनापछि गम्भीर घाइते भएका दुबैलाई उपचारका लागि राजविराज ल्याइएको थियो । सोही क्रममा एन्जिलाको मृत्यु भएको र ध्रुब घाइते भएका छन् ।
दुर्घटनाबारे अन्य अनुसन्धान भइरहेको र कार, ट्रक र तीनका चालक तथा मोटरसाइकललाई नियन्त्रणमा लिएको प्रहरीले जनाएको छ ।
