राजविराज । सप्तरीको छुट्टाछुट्टै दुई ठाउँमा कुटपिटको घट्ना भएको छ । राजविराज नगरपालिका ३ स्थित सिेनमा हल अगाडि १३ बर्षीय बालकले एक जना ३२ बर्षीय पुरुषको टाउको फुटाएका छन् ।
स्थानीय ३२ बर्षीय बबलु मण्डललाई सोही ठाउँका पप्पु सेखको १३ बर्षीय छोरा अवताब शेखले कुटपिट गरेका छन् । कुटपिटबाट बबलुको टाउकोमा चोट लागेको छ । घाईते मण्डलको राजविराजस्थित गजेन्द्र नारायण सिंह अस्पतालमा सामान्य उपचार पश्चात थप उपचारका लागि धरान घोपा क्याम्प पठाइएको प्रहरीले जनाएको छ ।
कुटपिट गर्ने शेखलाई नियन्त्रणमा लिई अन्य अनुसन्धान गरिरहेको प्रहरीको भनाई छ ।
जिल्लाको बलान बिहुल गाउँपालिकामा भाईले गरेको कुटपिटबाट दाजु घाइते भएका छन् ।
शुक्रबार राति १० बजेतिर बलान बिहुल गाउँपलिका २ दिघिया गाँउ बस्ने २५ बर्षीय सियाराम यादव र उनकै भाई शिव कुमार यादवबीच घरायसी विवाद हुँदा कुटपिट भएको प्रहरीले जनाएको छ ।
कुटपिटबाट घाइते भएका सियारामको सिरहाको लहानमा उपचार भइरहेको र फरार भएका कुटपिट गर्ने भाईको खोजी भइरहेको प्रहरीले जनाएको छ ।
