राजविराज । सप्तरीको बोदे बर्साइन नगरपालिकामा युवाबीच कुटाकुट भएको छ ।
नगरपालिकाको वडा नम्बर ३ कुश्महारमा युवाबीच कुटाकुट भएको हो । प्रहरीका अनुसार पुरानो रिसइबीका कारण दुई पक्षबीच कुटाकुट भएको हो ।
कुटाकुटमा संलग्न आठ जना पक्राउ परेका छन् । सप्तरी प्रहरीका प्रवक्ता एवं डीएसपी नरेशकुमार सिंहका अनुसार बोदेबर्साइन नगरपालिका ४ पर्साही टोल बस्ने २५ बर्षीय कृष्णकान्त साह, २६ बर्षीय अनिल कुमार साह, २२ बर्षीय चिन्तामणी चौधरीलाई पक्राउ गरिएको छ ।
यस्तै, वडा नम्बर ३ कुशमहार बस्ने २४ बर्षीय निरज चौधरी, शम्भुनाथ नगरपालिका ७ सबैया बस्ने २९ बर्षीय देवकान्त मण्डल, डाक्नेश्वनरी नगरपालिका १० बनौला बस्ने ३६ बर्षीय राम कुमार मण्डल, बोदेबर्साईन ३ सारस्वर बस्ने २० बर्षीय रामसकल मण्डल र रुपनी गाउँपालिका २ लौवापार बस्ने १८ वर्षीय कृष्ण कुमार मण्डललाई पनि पक्राउ गरिएको छ ।
पक्राउ पर्नेहरुलाई इलाका प्रहरी कार्यालय कडरबोनामा राखी घटनाबारे थप अनुसन्धान गरिरहेको प्रहरीले जनाएको छ ।
