राजविराज । सिटिजन ईन्टरनेसनल बैंकको १६औँ वार्षिकोत्सवको अवसर पारेर सप्तरीका दुई शाखाद्वारा बिहीबार छुट्टाछुट्टै कार्यक्रमको आयोजना गरिएको छ ।
बैंकको हनुमाननगर कंकालिनी नगरपालिकास्थित भारदह शाखाद्वारा बिहीबार भारदह चोकको बिभिन्न ठाउँमा डस्टबिन बितरण गरेको छ । बैंकद्वारा देशकै प्रसिद्ध भारदहस्थित कंकालिनी मन्दिर, हनुमाननगर बजारस्थित बजरंगबली मन्दिरसहित भारदह र हनुमाननगरको मुख्य चौकमा डस्टबिन बितरण गरिएको बैंकको भारदह शाखाका प्रबन्धक आमेन्द्र यादवले जानकारी दिए ।
उक्त कार्यक्रममा हनुमाननगर कंकालिनी नगरपालिका प्रमुख बिरेन्द्र माझी, प्रमुख प्रशासकीय अधिकृत हरिमोहन शर्मा, बिभिन्न वडाका वडा अध्यक्ष, बैंकका कर्मचारीहरुको उपस्थिति थियो ।
यस्तै, बैंकको राजविराज शाखाद्वारा स्थापना दिवसको अवसरमा रक्तदान कार्यक्रमको आयोजना गरिएको छ । उक्त अवसरमा बैंकका क्षेत्रिय इन्चार्ज प्रकाश नेपाल, शाखा राजविराजका शाखा प्रबन्धक राजकुमार यादवसहितका कर्मचारी र भारदह, कल्याणपुर, पातो, बोदेबर्साइन, कंचनपुर, फत्तेपुर शाखाका कर्मचारीले रक्तदान गरेका थिए ।
