राजविराज । तिलाठी कोईलाडी गाउँपालिकाले बेटी बचाउ बेटी पढाउ कार्यक्रम अन्तर्गत मुद्दती बिमा बढी भन्दा बढी छोरीहरुको बीमा गराउनका लागि प्रचार प्रसारको साथै ८ वडाहरुमा अभिमुखिकरण कार्यक्रम अगाडी बढाएको छ ।
युनिसेफ, ईयु, सहयोग र तिलाठी कोईलाडी गाउँपालिकाको आयोजनमा ८ वटैहरुमा प्रचारको साथै जनताहरु कार्यक्रम सम्बन्धी जानकारीको लागि अभिमुखिकरण समेत अगाडी बढाएको छ ।
तिलाठी कोईलाडी गाउँपालिकाका अध्यक्ष अरुण कुमार मण्डलको अनुसार बेटी बचाउ बेटी बचाउ कार्यक्रम अन्र्तगत अहिले सम्मको तथ्यांकलाई हेर्दा पढे लेखेका व्यक्तिहरुले मात्र यस कार्यक्रम अन्तर्गत बिमा गराउने भएकोले यस बिमामा सबैको पहुँचको लागि यस कार्यक्रमको प्रचार प्रसार र अभिमुखिकरणको आवश्यकता देखिएकोले यसलाई अगाडी बढाएको बताए ।
युनिसेफका मधेश प्रदेश सामाजिक सुरक्षा कार्यक्रम संयोजक चिजा भण्डारीका अनुसार यस कार्यक्रमले गर्दा हाम्रो समाजमा रहेको भु्रण पहिचान गरि हत्या गर्ने जस्ता विकृतिको अन्त हुने बताईन् ।
तिलाठी कोईलाडी गाउँपालिकाका बेटी बचाउ बेटी पढाउ कार्यक्रमको कार्यक्रम संयोजक शैलेन्द्र सिंह अनुसार यस कार्यक्रममा गराए पछि बिमा पुरा हुनका लागि छोरीलाई कम्ती एसईई पास र २० बर्ष पछि गर्नु पर्ने भएकोले यो कार्यक्रममको सबभन्दा राम्रो पक्ष रहेको बताए ।
बेटी बचाउ बेटी पढाउ कार्यक्रम सप्तरीका संयोजक रिया राँयका अनुसार यस कार्यक्रमको सहयोगबाट हाम्रो समाजमा छोरीसँग हुने विभेद समाप्त गर्नमा ठुलो भुमिका खेल्ने बताए ।
