राजविराज । दृष्टिविहीन महिला क्रिकेट प्रतियोगितामा नेपालले भारतलाई पराजित गरेको छ ।
मंगलबारदेखि पोखरामा शुरु भएको यो प्रतियोगिताको मंगलबार भएको पहिलो खेलमा नेपालले भारतलाई ८ विकेटले हराएको हो ।
टस जितेर पहिला ब्याटिङ गरेको भारत निर्धारित २० ओभरमा ७ विकेट गुमाउँदै १७२ रन बनायो । उसका लागि उपकप्तान गंगौभा निलप्पाले अविजित रहँदै सर्वाधिक ७२ रन बनाइन् । यस्तै, सिमु दास २६, दिपिका टिसी १६, वर्षा यूले १० र सुषमा पटेलले ९ रनको योगदान दिइन् । भारतका ५ खेलाडी भने रन आउट भए ।
बलिङतर्फ नेपालकी विनीत पुन र निशा चौधरीले १÷१ विकेट हात पारिन् ।
१७३ रनको लक्ष्य पूरा गर्ने क्रममा नेपालले १८औँ ओभरमा दुई विकेट मात्र गुमाएर जित हासिल ग¥यो । नेपालको लागि विनीता पुनले विस्फोटक ब्याटिङ गर्दै ५७ बलमा अविजित रहँदै १११ रन प्रहार गरिन् ।
योसँगै उनी दृष्टिविहीन महिला क्रिकेटको इतिहासमा पहिले शतक बनाउने खेलाडी बनेकी छन् । त्यसैगरी मनकेशरी चौधरीले ३२ रन बनाउँदा सरिता घिमिरे २१ रनमा अविजित रहिन् ।
मंगलबारदेखि शुरू भएको खेल वैशाख १७ गतेसम्म चल्नेछ । अर्को खेल बुधबार पोखरामा क्रिकेट मैदानमा हुनेछ भने बाँकी ३ खेल मूलपानी क्रिकेट मैदानमा हुनेछ ।
