राजविराज । सप्तरीमा पत्नीसँग विवाद हुँदा आफ्नै घरमा आगो लगाउने एक व्यक्तिलाई प्रहरीले नियन्त्रणमा लिएको छ ।
जिल्लाको सुरुङा नगरपालिका १ चकहा बस्ने २७ बर्षीय रमेश सदालाई आफ्नै घरमा आगो लगाएपछि पक्राउ गरिएको प्रहरीले जनाएको छ ।
सदाले शुक्रबार राति आफ्नै घरमा आगो लगाउँदै पत्नीलाई कुटपिट गरेका हुन् । मदिराको प्रयोग गरी घर पुगेका उनले पत्नीसँग खाना मागेका थिए । त्यस क्रममा दुबैबीच विवाद हुँदा सदाले चुल्लोबाट आगो झिकेर आफ्नै फुसको छाना भएको घरमा आगो लगाएको सप्तरी प्रहरीका प्रबक्ता एवं डीएसपी नरेशकुमार सिंहले जानकारी दिए ।
उनले घरमा आगो लगाएपनि स्थानीयले तत्कालै नियन्त्रणमा लिएका थिए । घरमा सामान्य क्षति भएको प्रहरीको भनाई छ ।
सदालाई नियन्त्रणमा लिई अन्य अनुसन्धान गरिरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
