राजविराज । बारा–२ मा भएको उप निर्वाचनमा जनता समाजवादी पार्टी (जसपा) नेपालका अध्यक्ष निर्वाचित भएपछि सप्तरीमा खुशियाली मनाइएको छ ।
सदरमुकाम राजविराजमा जसपा कार्यकर्ताले एक, अर्कालाई मिठाई बाँड्दै मैनबत्ति प्रज्जवलन गरेका छन् भने हनुमाननगर कंकालिनी नगरपालिकाको भारदहमा विजयी जुलुस निकाल्दै सभाको आयोजना गरिएको छ ।
राजविराजको गजेन्द्र र नेता चोकमा जसपा कार्यकर्ताले मैनबत्ति बालेर मिठाई बाँड्दै खुशियाली मनाएका हुन् ।
यस्तै, भारदहमा विजयी जुलुस नै निकालिएको छ । भारदको मुख्य चोकबाट निकालिएको विजयी जुलुस नगरको बिभिन्न भाग परिक्रमा गरेको थियो । जुलुस परिक्रमापछि आयोजित सभामा सत्ता गठबन्धन अन्तर्गतका नेपाली कांग्रेसका बिनोद माझी, बुदुर राम, सत्यजीत झा, जसपाका प्रदेश क्षेत्र नम्बर १ को २ का अध्यक्ष जितेन्द्र खड्गा, हनुमाननगर कंकालिनी नगरपालिकाका उप मेयर सरिता सिपलिया, नेताहरु पर्शुराम यादव, सन्तोष यादवसहितकाले उपेन्द्र यादव जितेकोमा बधाई दिदैं सफल कार्यकालको शुभकामना दिएका थिए ।
गठबन्धनस्तरीय बधाई र शुभकामना आदानप्रदान सभालाई सम्बोधन गर्दै सत्यजीत झाले मधेशवादी विचारधाराका पार्टीहरुलाई एकजुट भएर मधेश र देशको विकास गरिनुपर्नेमा जोड् दिए । उनले १० सिटे माधव नेपाललाई प्रधानमन्त्री बनाउने चर्चा चलिरहँदा १२ सिटे उपेन्द्र यादवलाई प्रधानमन्त्री बनाउनुपर्ने बताए ।
