राजविराज । राजविराजमा कर्म गरेर जीवन चलाइरहेकाहरुको फोटो प्रदर्शनी गरिएको छ ।
संवाद फाउन्डेसनद्वारा मधेश कला सेतु सहकार्यमा स्थानीय जिल्ला समन्वय समितिको सभाहलमा शनिबार फाेटाे प्रदर्शनी गरिएको हो ।
‘कर्मशिल’ फोटो प्रदर्शनीमा बाजा बजाएर, सिलैटो बनाएर, बालुवा चालेर, रिक्सा चलाएर, माला गुथेर, मोबाईल मर्मत गरेर जीवन निर्वाह गरिरहेकाहरुको फोटो प्रदर्शनी गरिएको छ । प्रदर्शनीमा १६ जना कर्मशिलको फोटो राखिएको छ ।
फोटो प्रदर्शनीको उद्घाटन कार्यक्रमलाई सम्बाेधन गर्दै प्रदेश सांसद सतिश कुमार सिंहले शिक्षा ग्रहण गर्नुका साथसाथै सबै काम पनि सिक्नुपर्ने बताए । कुनै पनि काम सानो या ठूलो नहुने भन्दै फाेटाे खिंच्नु पनि एउटा कला भएकाे बताए ।
उनले जुनसुकै काम सिकेपछि बेरोजगार रहननपर्ने भएकाले पढाईसँगै काम पनि सिक्नुपर्नेमा जाेड् दिए ।
अर्का प्रदेश सांसद मनिष सुमनले फाेटाे खिच्नु पनि एउटा कला रहेकाे भन्दै बालबालिकामा रहेकोे गुणलाई प्रस्टफुटित गर्न दिइनुपर्ने बताए । उनले अभिभावकले आफ्ना सन्तानलाई इच्छा विपरीतका विषय पढ्न दवाव दिन नहुने बताए ।
