राजविराज । घुस माग गर्ने कर्मचारीलाई रकम दिने क्रममा अख्तियार दुरुपयोग अनुसन्धान आयोगको टोलीलाई खबर गरिन्छ । अख्तियारको टोली आएको जानकारी पाएपछि रकम लिने कर्मचारी भने भाग्छन ।
राजविराजस्थित सामाजिक विकास इकाई कार्यालयमा बिहीबार भएको घटना हो यो ।
कार्यालयका कर्मचारीले विद्यालय भवन निर्माण वापतको भुक्तानी निकासाका लागि उपभोक्ता समितिसँग घूस मागेका थिए । समितिका पदाधिकारी मागेको घूस वापतकाे रकम दिन जाँदा अख्तियारकाे टाेलीलाई जानकारी गराए । सिरहाको नवराजपुर गाउँपालिका १ स्थित विद्यालयमा भवन निर्माण गरेको रकम निकासाका लागि उपभोक्तासंग कर्मचारीले ८० हजार रूपैया घुस मागेका थिए । तर उपभोक्ताले ७५ हजार घुस दिन तयार भएपछि कार्यालयका कर्मचारीले बोलाएर तत्काल १५ हजार रुपैयाँ बुझ्दै गर्दा अख्तियार दुरुपयोग अनुसन्धान आयोग ईटहरीको टोली पुगेको खबर पाए । यो जानकारी पाए लगतै कर्मचारी बुझेको रकम फोहोर फाल्ने ठाउँमा फ्याकेर भागेको बताइएको छ । कार्यालयमा कुन कुन कर्मचारी थिए भन्ने खुल्न सकेको छैन ।
सामाजिक विकास इकाई मधेश प्रदेशको सामाजिक विकास मन्त्रालय मातहतकाे कार्यालय हो ।
