राजविराज । ४१ औं विपी स्मृति दिवसको अवसरमा शनिबार सप्तरीको बिभिन्न ठाउँमा बृक्षारोपण गरिएको छ ।
क्षेत्र नम्बर १ अन्तर्गत हनुमाननगर कंकालिनी नगरपालिका ३ स्थित मधवापुर मावि, क्षेत्र नम्बर २ को राजविराजस्थित राजदेवी मावि, क्षेत्र नम्बर ३ अन्तर्गत शम्भुनाथ नगरपालिकास्थित भगवतपुर माविमा बृक्षारोपण गरिएको छ ।
मधवापुर माविमा २००, राजदेवी माविमा १०० र भगवतपुर माविमा २२५ वटा बिभिन्न प्रजातिका बिरुवा रोपिएको छ ।
अमला, लिची, आसो, शिरिष, सिसौ, कदमजस्ता बिरुवा रोपिएको नेवि संघका सभापति राकेश ठाकुरले जानकारी दिए ।
विपि स्मृति दिवसको अवसरमा सुरुङा नगरपालिकाको कदमाहास्थित बिपीको शालिकमा नेताहरुले माल्र्यापण पनि गरेका छन् ।
ती कार्यक्रममा नेपाली काँग्रेस सप्तरीका सभापति रामदेव साह, उपसभापति राम कुमार यादव, संगठन विभाग प्रमुख बद्री नारायण महात्मान यादव, जिल्ला सचिव सनत मण्डल, प्रदेश १ ख का सभापति उमेश कुमार मिश्र, जिल्ला सदस्य शम्भु देव, रामचन्द्र यादव, तिलाठी कोईलाडी गाउँपलिकाका अध्यक्ष अरुण मण्डल ,नेवि संघका जिल्ला सभापति राकेश ठाकुर, तरुण दलका सचिव रविन्द्र यादवसहितकाले सहभागिता जनाएका थिए ।
यस्तै राजगढ गाउँपालिका कार्यालयको प्राङणमा कांग्रेस गाउँ समितिद्धारा बृक्षारोपण गरिएको छ । कार्यक्रममा प्रतिनिधी सभा सदस्य एवं कांग्रेसका केन्द्रीय सदस्य दिनेश यादवसहितकाले बृक्षारोपण गरेका हुन् ।
