गंगा प्रसाद साह
भारदह ।
सप्तरीको हनुमाननगर कंकालिनी नगरपालिका वडा नम्बर १ स्थित भारदह अस्पतालको नवनिर्मित भवनको पर्खाल भत्किएको छ ।
मधेश प्रदेश सरकारको सहयोगमा निर्माण गरिएको भवनको बरण्डातर्फको १५ मिटर पर्खाल शनिबार भत्किएको हो । भवन निर्माण सम्पन्न भई अहिले टायल्स लगाउने काम भइरहेको छ । भवनको बाहिरी र भित्र दुबैतर्फ रंग लगाउने काम सम्पन्न भएको अवस्थामा भवन भत्किएको हो ।
आर्थिक बर्ष २०७७÷७८ मा मधेश प्रदेश सरकार अन्तर्गत सामाजिक विकास मन्त्रालयले यो भवन निर्माणका लागि बजेट उपलब्ध गराएको थियो ।
भवनको पर्खाल भत्किएको अस्पतालका इन्चार्ज डा. उत्तम देवले जानकारी दिए । उनका अनुसार पर्खाल भत्किएको र घरमा चिरा समेत परेको छ ।
इन्चार्ज डा. देवले आफू हालै मात्र आएकाले भवन निर्माण सम्बन्धी विस्तृत जानकारी नभएको बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
