राजविराज । सप्तरीमा आफ्नै पत्नीको हत्या आरोपमा एक युवक पक्राउ परेका छन् ।
जिल्लाको महादेवा गाउँपालिका वडा न्म्बर २ अकबरपुर निवासी रामरुप खंगलाई पत्नी हत्याको आरोपमा पक्राउ गरिएको प्रहरीले जनाएको छ ।
३५ बर्षीय खंगले ३० वर्षीया पार्वती देवी खंगको कुटपिट गरी हत्या गरेको प्रहरीको भनाई छ ।
घरायसी विवादमा रामरुपले कुटपिट गरेपछि गम्भीर घाइते भएकी पार्वतीको उपचारका क्रममा राजविराजस्थित अस्पतालमा मृत्यु भएको सप्तरी प्रहरीले जनाएको छ ।
आईतबार राति भएको यो घट्नापछि प्रहरीले रामरुपलाई नियन्त्रणमा लिएको छ ।
रामरुपले पत्नीलाई कुटपिट गरिरहँदा बचाउन गएकी उनकी आमा ६१ वर्षीया समतोलिया खंग घाइते भएकी छन् । उनको राजविराजमा उपचार भइरहेको छ ।
घट्ना सम्बन्धमा अन्य अनुसन्धान भइरहेको जिल्ला प्रहरी कार्यालय, सप्तरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
