राजविराज । सप्तरीमा एक महिलासँग सामूहिक बलात्कार भएको छ ।
जिल्लाको शम्भुनाथ नगरपालिका वडा नम्बर ५ मोहनपुरकी एक महिलासँग पाँच जनाले सामूहिक बलात्कार गरेको प्रहरीले जनाएको छ । पूर्व पश्चिम राजमार्गदेखि ४०० मिटर दक्षिणतर्फ नर्सरीमा ती महिलासँग सामूहिक बलात्कार गरिएको भन्दै प्रहरीले उनीहरुलाई पक्राउ गरेको छ ।
पक्राउ पर्नेमा शम्भुनाथ नगरपालिका ५ का २५ बर्षीय शिव कुमार सदा, ४० बर्षीय उमेश सदा, र ३२ बर्षीय श्रीनारायण सदा छन् । महिलासँग ५ जनाले जर्वजस्ती करणी गरेका थिए । घट्नामा संलग्न २५ बर्षीय फुल कुमार सदा र २३ बर्षीय शिव कुमार सदाको पनि संलग्नता रहेको र उनीहरुको खोजी भइरहेको प्रहरीले जनाएको छ ।
घट्ना शनिबार राति १० बजेतिरको हो । पीडित र उनका अभिभावकले आईतबार बिहान प्रहरी चौकी कठौनालाई जानकारी गराएपछि घटनामा संलग्न ३ जनालाई पक्राउ गरेको सप्तरी प्रहरीका प्रबक्ता एवं डीएसपी नरेश कुमार सिंहले जानकारी दिए । उनका अनुसार पक्राउ परेकाहरुलाई आवश्यक कानूनी कारवाही प्रकृया शुरु गरी इलाका प्रहरी कार्यालय कल्याणपुरको नियन्त्रणमा राखिएको छ । उनीहरु विरुद्द “जवरजस्ती करणी सम्वन्धी कसुर” मा सप्तरी जिल्ला अदालतबाट ५ दिनको म्याद थप गराई अन्य अनुसन्धान गरिरहकेो प्रहरीले जनाएको छ ।
यसअघि असारको अन्तिम साता सप्तरीको कंचनरुप नगरपालिका १२ मा १७ बर्षीया बालिकाको सामूहिक बलात्कार भएको थियो । बलात्कारमा संलग्न चार जनालाई प्रहरीले पक्राउ गरेर अनुसन्धान शुरु गरिसकेको छ ।
