२०८० साउन ७, राजविराज
सयुक्त राज्य अमेरिकाको सान फ्रान्सिस्को राज्यको चिको सहरमा कक्षा ७ मा अध्ययनरत अनन्त अर्जुन देवद्वारा विगत १ वर्षमा भ्रमण गरेका विभिन्न राष्ट्रहरूमा खिचेका १०१ वटा फरक फरक प्रजातिका चराका फोटोहरू राजविराजको चाय चर्चा नामक स्थानमा फोटो प्रदर्शनी सम्पन्न गरिएको छ । फोटो प्रदर्शनी कार्यक्रमको आयोजना मैथिली विकिमिडियन्स युजर ग्रुपद्वारा गरिएको थियो भने चाय चर्चाद्वारा यस कार्यक्रमलाई प्रायोजन गरिएको थियो ।
फोटो प्रदर्शनी कार्यक्रममा राजविराज नगरपालिकाका पूर्व नगर प्रमुख शैलेश कुमार चौधरी, रेडक्रस नेपाल सप्तरी शाखाको अध्यक्ष जोगेन्द्र भगत, बोरिया मा.वि. का पूर्व प्रधानाध्यापकद्वय जितेन्द्र नारायण देव र भवेन्द्र यादव, स्वेडेकको अध्यक्ष मीरा देव, जीवन विकास लघुवित्त वित्तीय संस्थाका सञ्चालक सदस्य इन्द्रनारायण देव लगायत विभिन्न प्रतिभावान फोटोग्राफरहरूको उपस्थिति रहेको थियो ।
विगत १ वर्ष पहिले राजविराजको बोरियामा गरुडको फोटो खिचिसकेपछि उनमा फोटोग्राफीप्रति मोह जागृत भएको थियो र त्यसैलाई पुरा गर्न उनी अमेरिकाको विभिन्न स्थान, मेक्सिको तथा नेपालको विभिन्न स्थानमा फोटोग्राफी गरेर सङ्ग्रह गरेका फोटोहरूलाई प्रदर्शन गर्न पाउँदा आफु निकै हर्षित भएको प्रतिक्रिया दिएका छन् । कार्यक्रम समाप्त हुनुभन्दा पहिले उनलाई मैथिली विकिमिडियन्स युजर ग्रुपको सह संस्थापक विप्लव आनन्द, पंकज कुमार देव र सदस्य संजोग देवले फोटोग्राफर अनन्तलाई तथा प्रमाण पत्र प्रदान गरेका थिए । राजविराजका नव प्रतिभावान युवाहरूलाई उनको ज्ञानको प्रवर्द्धन गर्ने र तिनीहरूको लागि उचित स्थान प्रदान गर्ने उद्देश्यले चाय चर्चा खोलिएको संजोग देवले जानकारी गराएका छन् ।
