राजविराजको छिन्नमस्ता मोडमा स्थानीयद्वारा अबरुद्ध गरिएको सडक सुचारु 

राजविराज । तत्काल खाल्डो पुर्ने र आगामी सोमबारदेखि सडक निर्माण गर्ने सहमति भएपछि राजविराजको सिरहा रोड्स्थित छिन्नमस्ता मोड्मा स्थानीयले अबरुद्ध गरेको सडक खोलेका छन् ।

स्थानीयले शुक्रबार बिहान ७ बजेदेखि अबरुद्ध गरेको सडक साँझदेखि खुलेको हाे ।

हुलाकी सडक अन्तर्गत छिन्नमस्ता मोडदेखी जनआन्दोलन चाेकसम्म राेड निर्माण गरिएको छैन । लामो समयदेखि खनेर राखिएको छ । स्थानीयले ध्यानाकर्षण गराउँदा राजविराज नगरपालिकाका कार्यवाहक मेयर इसरत परबिनसहितका सम्बन्धित निकायले अबिलम्ब बनाइदिने सहमति गर्दा ध्यान नदिएकाले सडक अवरुद्ध गरिएको स्थानीय रामबाबु दासले जानकारी दिए ।

दिनभर सडक अवरुद्घ गरेपछि नगरपालिका कार्यालयबाट पुगेको एक टोलीले खाल्डोमा ग्राभेल हालिदिने र सोमबारदेखि सडक निर्माण गर्ने प्रतिबद्धता जनाएपछि अबरुद्ध सडक खोलिएको हो ।