राजविराज । राजविराज विमानस्थलमा मंगलबार ल्याण्ड भएकाे जहाज पुन: आकाशमा उडेकाे छ ।
काठमाडौंबाट यात्रु बाेकेर आएकाे बुद्व एयरकाे जहाज विमानस्थलमा ल्याण्ड गरे लगत्तै पुन: आकाशमा उडेकाे हाे ।
जहाजमा सबार यात्रुका अनुसार रनवेमा आइसकेको जहाज तुरुन्तै आकाशमा उडेकाे थियाे । जहाज उडेर तीन, चार फन्का लगाइएपछि विमानस्थलमा ल्याण्ड गरिएकाे जहाजमा सबार छिन्नमस्ता गाउँपालिकाका अध्यक्ष विद्यानन्द चौधरीले जानकारी दिए ।
‘ल्याण्ड भइसकेकाे जहाज पुन: आकाशमा उडेपछि जहाजमा सबार यात्रुको होस उडेको थियो’ उनले भने, ‘केही बेर आकाशमै घुमेर पुनः रनवेमा आयो ।’
बुद्व एयरका राजविराज प्रमुख अनिल राजवंशीले ल्याण्ड भएपछि रनवेमा चरा देखिएका कारण पुन: उडाएर रनवे सफा गरी दोस्रो पटक ल्याण्ड गरिएको जानकारी दिए ।
उनले याे नर्मल प्रक्रिया भएको बताए ।
यो खबर पढेर तपाईलाई कस्तो महसुस भयो ?
+1
+1
+1
+1
1
+1
1
+1
+1
