राजविराज । फि वापतको रकम मात्रै लिने र पढाईप्रति वेवास्ता गरिएको गुनासो गरेपछि पूर्वाञ्चल विश्वविद्यालय (पियू) को एक टोलीले शुक्रबार राजविराजस्थित सप्तऋषी कलेजको छानबिन गरेको छ ।
पूर्वाञ्चल विश्वविद्यालयका व्यवस्थापन शाखा अधिकृत बिष्णु तिबारीसहितको टोली यहाँ आएर छानबिन गरेका हुन् । टोलीले क्याम्पस संचालक, अभिभावक तथा विद्यार्थीसँग कुराकानी गरेका छन् ।
बिबिए २०२१ को तेस्रो सेमेष्टरमा अध्ययनरत विद्यार्थीले डाटा बेस म्यानेजमेन्ट सिस्टमको बिषय हालसम्म पढाई नै नभएको, अन्य बिषयहरुको पनि कोर्ष कम्प्लिट नगरेको यसबारे पटक–पटक भन्दा पनि कुनै ध्यान नदिएपछि विश्वविद्यालयमा उजुरी पठाएका थिए ।
बिना पढाईको परीक्षा लिन खोजेर आफूहरुको भविष्यसँग खेलबाड गर्न खोजेको भन्दै विद्यार्थीले कलेजलाई तिर्नुपर्ने फिको सन्दर्भमा भएको सम्झौता विपरित थप रकम माग दावी समेत गरिरहेको उजुरीमा उल्लेख गरेका छन् ।
विश्वविद्यालयका प्रशासकीय अधिकृत तिबारीले यीनै बिषयमा बुझ्न यहाँ आएको बताए । ‘हामी यहाँ आएर बुझ्नुपर्ने कुराहरु बुझेका छौं’ उनले भने, ‘अब के गर्ने सन्दर्भमा हामी विश्वविद्यालयमा छलफल ग¥छौं ।’
विश्वविद्यालयको टोलीमा भूपू कन्ट्रोलर मोहन बस्नेत, एमफिल निर्देशक उत्तम रेग्मी सहभागी थिए ।
