राजविराज । सप्तरीका सुरेश मुखियाले बनाएको सरस्वती पूजा सम्बन्धी छाेटाे फिल्मले पुरस्कार पाउने भएको छ ।
राजविराज नपा ५ निवासी मुखियाले बनाएको सरस्वती पूजा सम्बन्धी छाेटाे फिल्म पुरस्कारका लागि छनाैट भएको हाे ।
पाम फिल्म फेस्टिवल नेपाल नामक संस्थाले छाेटाे फिल्मका लागि आह्वान गर्दा झन्डै २०० फिल्मले आवेदन परेको थियो ।
आवेदन परेकामध्ये मुखियाकाे सरस्वती पूजासहित महोत्तरीकी सरिता साहले बनाएको पुत्ला र मुगुका गोपाल थापाले बनाएको ग्याल्बो सम्बन्धी छोटो फिल्म पुरस्कारका लागि छनौट भएको हो ।
तीन वटै फिल्मलाई रु २५ हजारका दरले पुरस्कृत गरिनेछ । आगामी दिनमा एक कार्यक्रमकाबीच पुरस्कर प्रदान गरिने मुखियाले जानकारी दिए ।
यसअघि मुखियाले बनाएको ‘डिहबार थान’ सम्बन्धी छोटो फिल्मले पनि पुरस्कार पाएको थियो ।
मेरो गाउँ, मेरो ठाउँ’ भिडियो च्यालेन्जमा बेस्ट स्टोरी कन्सेप्ट एण्ड डायरेक्सनको अवार्ड उनले हात पारेका थिए ।
