राजबिराज । शम्भुनाथ नगरपालिकाका एक वडा अध्यक्षले मिटर ब्याजी पीडितसँग झुक्याएर सिफारिस पत्रमा हस्ताक्षर गराइएको छ।
वडा -४का अध्यक्ष विजय कुमार साहले म ऋणीसँग झुक्याएर सरकारी कागजमा हस्ताक्षर गराएको त्यहीका मिटर ब्याजी पिडित महेश प्रसाद चौधरीले आरोप लगाएका छन् ।
शम्भुनाथ -४का महेश कुमार भगत सँगको आफ्नो लेनदेन रहेको दुबै विवरण उल्लेख गरी छुट्टै सहमती कागज बनाई दिन्छु भन्दै आफूसँग माघ ९ गते वडा कार्यालयको लेटर प्याडमा धनिबाट लिएको पैसाको मात्र विवरण लेखेर वडाको सिफारिसमा हस्ताक्षर गर्न लगाएर सहमती कागज बनाई दिएन । पिडित चौधरीले बताए ।
भगतबाट मिटरब्याजमा पैसा लिएको र त्यसमै भगतले जालझेल गर्दै उल्टै ममाथि अदालतमा मुद्दा हाल्न वडाबाट एकतर्फी सिफारिस गर्न लगाइएको चौधरीले भगत र वडा अध्यक्ष साह समेतलाई पिडित चौधरीले आरोप लगाएका छन् ।
लेनदेनको विस्तृत विवरण :
पिडित चौधरीले एक कठ्ठा १२ धुर जग्गा खड्क ७का परमानन्द भगत नाममा किनेको थिए ।आठ वर्ष अघि २२ लाख कर्जा लिए वापत शम्भुनाथ – ४का महेश कुमार भगतको श्रीमती मन्जु कुमारी भगतको नाममा १२ धुर जग्गा पास गरे र १५ लाखको कागज गरिदिए । केही दिनपछि उहाँसँग फेरि ५ लाख लिए र १० लाखको कागज गरिदिए । साल २०७५ देखि २०७६ सम्ममा पटक पटक गरी मैले महेश कुमार भगतलाई १२ लाख ४५ हजार तिरिसके।
त्यसपछि स्थानीय सबुर सरदारको किर्ते हस्ताक्षर गरी भगतले ५ लाख थप गरी डायरीमा लेखेको छ । त्यसबारे पञ्चायतमा चौधरीले नलिएको रकम मैले लेखेर गल्ती लेखेको स्वीकारे पनि त्यो रकम दावी गर्दै आएका छन् । मैले पैसा तिरेर जग्गा फिर्त माग्दा भगतले जग्गा फिर्ता गर्न नचाहेर उल्टै मेरो नाममा वडामा लिएको मात्रै आरोप लगाई वडामा निवेदन दिएको छ ।
