राजविराज । शुक्रबार गठन भएको मधेश प्रदेश सरकारमा सप्तरीले मुख्यमन्त्रीसहित दुई मन्त्री र एक राज्यमन्त्री पाएको छ ।
मुख्यमन्त्रीमा सतिश कुमार सिंह नियुक्त भएका छन् । सिंह प्रदेश सभा सप्तरी क्षेत्र नम्बर २ को १ बाट जनमत पार्टीबाट निर्वाचित भएका हुन् । सिंह मुख्यमन्त्री बन्दा सप्तरीले दुई मन्त्री र एक राज्यमन्त्री पाएका छन् ।
गोबिन्दबहादुर न्यौपाने भूमी, व्यवस्था कृषि तथा सहकारी मन्त्री बन्दा राजकुमार लेखी शिक्षा तथा संस्कृति मन्त्री बनेका छन् । रन्जु मण्डल खंग भने बिना विभागीय राज्य मन्त्री बनेकी छन् ।
न्यौपाने यसअघिको सरकारमा पनि भूमी व्यवस्था, कृषि तथा सहकारी मन्त्री नै थिए । लेखी भने यसअघिको सरकारमा गृह, संचार तथा कानुन मन्त्री थिए ।
न्यौपाने सप्तरी प्रदेश सभा ४ को १ बाट चुनाव जितेका हुन् भने लेखी क्षेत्र नम्बर १ को १ बाट चुनाव जितेका हुन् । न्यौपाने नेकपा एकीकृत समाजवादीबाट र लेखी नेकपा एमालेबाट चुनाव जितेका छन् ।
यस्तै, जनमतकी समानुपातिक सांसद खंग भने विना विभागीय राज्यमन्त्रीमा नियुक्त भएकी छन् ।
