महेन्द्र सदा
पातो । सप्तरीको, डाक्नेश्वरी नगरपालिका वडा नं ५, पातो बजारस्थित डाक्नेश्वरी मन्दिरमा बिहीबारदेखि दशैं मेला प्रारम्भ उदघाटन भएको छ ।
मेलाको व्क भव्य समारोहका बीच मधेश प्रदेशका मुख्यमन्त्री सतीश कुमार सिंहले उदघाटन गरे ।
त्यस अवसरमा बोल्दै मुख्यमन्त्री सिंहले डाक्नेश्वरी मन्दिरलाई पर्यटनमा जोड्न सहयोग गर्ने बताए । उनले यस क्षेत्रमा कृषि, शिक्षा, स्वास्थ्य, यातायात समग्र क्षेत्रको विकास काे लागि आवश्यक सहयोग गर्ने प्रतिबद्धता समेत जनाए ।
कार्यक्रममा सभासद ताराकान्त चौधरी, प्रदेश सांसद शम्भु साह , डाक्नेश्वरीका नगर प्रमुख रामलखन मल्लाहले मन्दिरकाे विकासका लागि पर्यटनमा जोड्न सम्पूर्ण डिपिआर तयार गर्ने र यसमा सहयोग गर्न मुख्यमन्त्रीसंग आग्रह गरे ।
कार्यक्रममा उप मेयर मीरा कुमारी यादव, वडा नं ५ को वडा अध्यक्ष रमेश कुमार चौधरी आयोजक समितिका अध्यक्ष महेन्द्र यादव, सल्लाहकार अमरेन्द्र कुमार यादव, सचिब रामचन्द्र मण्डलले डाक्नेश्वरी मन्दिरलाई पर्यटनमा जोड्नुपर्नेमा जोड दिए ।
