राजविराज । सप्तरीमा बलात्कार गरेर भिडियो बनाएको आरोपमा एक युवक पक्राउ परेका छन् ।
पक्राउ पर्नेमा राजविराज नगरपालिका ४ थानगाछी निवासी तन्दुरी रेष्टुरेन्टका संचालक आकाश आदर्श छन् ।
उनकै रेष्टुरेन्टमा काम गर्ने एक महिलालाई जवरजस्ती करणी गरी मोवाइलमा भिडियो समेत बनाएको आरोपमा आकाशलाई पक्राउ गरिएको प्रहरीले जनाएको छ ।
सप्तरी प्रहरीका प्रबक्ता एवं डीएसपी जितेन्द्र बस्नेतका अनुसार रेष्टुरेन्टमा कामकाज गर्ने महिलालाई सन्चो नहुँदा आफ्नो कोठामा आराम गर्न गएकी थिइन् । २८ बर्षीय आदर्शले बाहिरबाट ढोका खोल्न लगाएर मुख हातले थुनी विभिन्न किसिमको धाक धम्की दिदैं जवरजस्ती करणी गरेका थिए ।
यौन सम्पर्कको मोबाइलबाट भिडियो समेत बनाई सामाजिक संजालमा भाईरल गरी दिन्छु भनि पटक पटक करणी प्रयास गरेको पीडित महिलालाई उद्धृत गर्दै प्रहरीले जनाएको छ ।
बनाएको भिडियो ती महिलाको ह्वाटसएपमा समेत पठाएको पाइएको प्रहरीको भनाई छ ।
उनलाई पक्राउ गरी थप अनुसन्धान गरिरहेको जिल्ला प्रहरी कार्यालय सप्तरीले जनाएको छ।
