राजविराज । राज्यको सम्पूर्ण निकायमा समानुपातिक प्रतिनिधित्व प्रतिनिधित्वको माग गर्दै हुलाकी राजमार्गमा साइकल ¥याली प्रदर्शन गरिने भएको छ ।
नागरिक समाज नेपालले राजविराजको गजेन्द्र चोकबाट साइकल ¥याली शुरु गरी जनकपुरधामसम्म पुगेर समापन गर्नेछ ।
आयोजक नागरिक समाजका पदाधिकारीले शनिबार राजविराजमा पत्रकारसँग कुरा गर्दै आगामी कात्तिक १६ गतेबाट साइकल ¥याली प्रारम्भ गर्ने जानकारी दिएका छन् । समाजका अध्यक्ष कुमार कमलेन्द्रमले साइकल ¥याली उद्घाटन समारोहमा नागरिक समाजका अगुवा कृष्ण पहाडीले सम्बोधन गर्ने बताए ।
राजविराजबाट हुलाकी राजमार्ग हुँदै साइकल ¥याली निस्किनेछ । ¥यालीका क्रममा ठाउँ–ठाउँमा कोणसभाको आयोजना गरिने अध्यक्ष कमलेन्द्रमले बताए ।
कात्तिक २० गते जनकपुरधाम पुग्ने साइकल ¥याली जनकपुरधाम बजार परिक्रमा गरी स्थानीय जनक चोकमा समापन गरिनेछ । समापन कार्यक्रमलाई नागरिक समाजका अर्का अगुवा युग पाठकले सम्बोधन गर्ने आयोजक संस्थाका बलराम यादवले बताए ।
दलीय निरंकुशता र नेतृत्वको हैकमवा, स्वेच्छाचारिता तथा अलोकतान्त्रिक प्रवृत्तिविरुद्ध सवल लोकतन्त्र संघीयता र सुशासन तथा नागरिक र संवैधानिक सर्वाेच्चता, विधीको शासन, मानवअधिकार पारदर्शिता कायम गराउन माग गर्दै यो ¥याली प्रदर्शन गर्न लागिएको अध्यक्ष कमलेन्द्रले बताए ।
‘यस्ता बिषयमा सचेत नागरिकले दवाव सृजना गर्नु आवश्यक छ’ उनले भने, ‘दलीय भागबण्डा, राजनीतिको अपराधिकरण र व्यापारीकरण, संरक्षित भ्रष्टाचार, दण्डहिनताले लोकतन्त्रलाई कमजोर बनाएको छ ।’
मुलुकको सामाजिक, आर्थिक रुपान्तरणका लागि नागरिक स्वशासनसहितको लोकतन्त्र र सुदृढ संघीयता अपरिहार्य रहेको भन्दै उनले सचेत नागरिकको हैसियतले आफ्नो भूमिका निर्वाह गर्न लोकतन्त्रमैत्री दवाव आन्दोलन स्वरुप साइकल ¥याली गर्न लागिएको उनले बताए ।
साइकल ¥यालीमा सप्तरी, सिरहा र धनुषाका नागरिकको सहभागिता रहने उनले बताए ।
