राजविराज । सप्तरीको हनुमाननगर कंकालिनी नगरपालिकाका शिक्षक तलव माग्दै आन्दोलन शुरु गरेका छन् ।
साउनदेखि यताको तलव, भत्ता नदिएको भन्दै पालिकाभरिका शिक्षकहरु आईतबारदेखि नगरपालिका कार्यालयको मूलगेटमा धर्ना दिएका छन् । विद्यालय बन्द गरी बिहान १० बजेदेखि नै उनीहरुले धर्ना दिइरहेका छन् ।
दशैं जस्तो चाडमा पनि तलव, भत्ता नदिएको र तिहार आउन लाग्दा समेत तलव दिने छाँटकाँट नदेखाएपछि आन्दोलनमा उत्रनुपरेको शिक्षकले बताएका छन् ।
यसअघि तलव उपलब्ध गराउन नगरपालिकाका प्रमुख, प्रमुख प्रशासकीय अधिकृतलाई ज्ञापन बुझाउँदा समेत ध्यान नदिएकाले बाध्य भएर आन्दोलनमा उत्रनुपरेको उनीहरुको भनाई छ ।
चाडपर्वको समयमा पनि तलव नदिँदा जीवनयापन धान्न संकट उत्पन्न भएको आन्दोलन परिचालन समितिका संयोजक अशोक कुमार यादवले बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
1
+1
