राजविराज । नेपाली कांग्रेसका नेता डा. मिनेन्द्र रिजालले समग्र देशको विकासका लागि पहाडी र मधेशीबीच सौहार्दता हुनुपर्नेमा जोड् दिएका छन् ।
‘अबको राजविराज ः योजनाबद्ध र दिगो विकास’ बिषयमा शनिबार आयोजित छलफल कार्यक्रमलाई सम्बोधन गर्दै उनले यस्तो बताएका हुन् ।
राजविराजसहित देशभरिको विकासका लागि पहाडी, मधेशीसहित सबै जनताबीच सौहार्दता हुनुपर्ने उनले बताए ।
संघीयता ल्याउने क्रममा समुदायलाई विभाजित गर्नेगरी रेखांकन नहोस् भन्ने छलफल भएको थियो’ उनले भने, ‘माथिको उदयपुर र मकवानपुरलाई मधेशमा जोड्न भनेको थिएँ । तर धेरैले यो मानेनन् ।’
डा. रिजालले खोलानाला, प्राकृतिक श्रोतसाधनको सबै कुरा मिलेपछि विकास चाँडो हुनेमा जोड् दिए ।
देशमा संघीयता आएपनि जसरी अधिकारहरु दिनुप¥थ्यो त्यो दिन नसक्दा निराशा उत्पन्न भएको उनले बताए । संघीयतालाई बलियो बनाए विकासले गति लिने उनको भनाई थियो ।
पूर्वाधारको विकास नहूँदासम्म शहर अघि बढन नसक्ने भन्दै उनले पूर्वाधार, खानेपानी, ढल निकास व्यवस्थित बनाउन सुझाव दिए ।
उनले अस्पताल, स्वास्थ्य चौकी एवं विद्यालयलाई राम्रो बनाउन समेत सुझाव दिए ।
संविधानसभा सदस्य रंजित कर्णले आयोजना गरेको छलफल कार्यक्रमलाई सम्बोधन गर्दै कर्णले राजविराज साक्षरता दरमा धेरै अघि भएपनि अहिले हवात्तै पछि परेको बताए । उनले जनताको मतबाट निर्वाचित भएका जनप्रतिनिधी राजविराजको विकासका लागि कुनै चासो नदिएको बताए ।
