राजविराज । राजविराजमा लागूऔषधबिरुद्धको युवा लक्षित जनचेतनामूलक कार्यक्रमको आयोजना गरिएको छ ।
जिल्ला प्रशासन कार्यालयको अगुवाईमा नेपाल तथा सशस्त्र प्रहरी, नेपाली सेना, विद्यार्थी, पत्रकार, युवा, बिभिन्न संघ–संस्थाको अगुवाईमा वृहत ¥यालीसहित जनचेतनामूलक कार्यक्रमको आयोजना गरिएको हो ।
जिल्ला प्रशासन कार्यालय अगाडिबाट लागूऔषध नियन्त्रण सम्बन्धी बिभिन्न प्लेकार्ड बोकेर निकालिएको जनचेतनामूलक ¥याली नगरको बिभिन्न भाग परिक्रमा गर्दै स्थानीय गजेन्द्र चोकमा कार्यक्रममा परिणत भएको थियो ।
कार्यक्रमलाई सम्बोधन गर्दै जिल्ला समितिका प्रमुख शिबनारायण साहले लागूऔषधका अवस्था भयावह देखिएकाले यसतर्फ सबैले ध्यान दिनुपर्ने बताए ।
उनले युवाहरु बिभिन्न लागूऔषध प्रयोग गरिरहेकाले अभिभावकदेखि सबै सरोकारबाला गम्भीर बन्नुपर्ने बताए ।
प्रमुख जिल्ला अधिकारी भोला दाहालले युवालाई लागूऔषध प्रयोग गर्नबाट रोक्नुपर्ने आजको आवश्यक्ता रहेको बताए । ‘लागूऔषध प्रयोगकर्तालाई मात्रै यसबाट हानी हुँदैन्’ उनले भने, ‘एउटा परिवार, एउटा समाज र समग्र देशलाई नै हानी हुने गर्दछ ।’
उनले लागूऔषध प्रयोगकर्तालाई प्रयोग नगर्न सबै मिली रोक्नुपर्ने बताउँदै लागूऔषधको बिक्री बितरणको जानकारी पाए प्रहरीलाई उपलब्ध गराउन आग्रह गरे ।
जिल्ला प्रशासन कार्यालयले लागूऔषध नियन्त्रण सम्बन्धी तीन महिने नै शुरु गरिएको बताउँदै उनले यो अभियान अन्तर्गत कलेजहरुमा लागूऔषधबिरुद्धका प्रशिक्षण, ¥यालीसहितका चेतनामूलक कार्यक्रम गरिने बताए ।
नेपाल पत्रकार महासंघ, सप्तरीका अध्यक्ष श्रवणकुमार देवले लागूऔषध नियन्त्रण नगरिए अवस्था भयावह आउने बताए । उनले आगो लाग्दा छिमेकीको घर पनि जलेर नष्ट भए झैं आफ्ना छिमेकी लागूऔषधको कुलतमा फँस्दा रोक्न ध्यान नदिइए आफ्नै घर पनि पर्न सक्ने बताए ।
लागूऔषध नियन्त्रण गर्न सकिए परिवारदेखि समाज र समग्र देश नै स्वस्थ्य बन्ने उनले बताए ।
