दिपेन्द्र पासवान
सुरुङ्गा । मंगलबार मृत भेटिएकी पूजालाई न्याय दिन माग गर्दै पूर्व पश्चिम राजमार्गमा चक्काजाम गरिएको छ ।
सप्तरीको सुरुङ्गा नगरपालिका वडा नम्बर ७ हरिपुरकी १८ बर्षीया पूजा राम मंगलबार बिहान घरदेखि ५०० मिटर दक्षिणतर्फ पोखरी छेउमा मृत भेटिएकी थिइन् ।
उनको हत्या गरिएको र हत्यारालाई पक्राउको माग गर्दै स्थानीयहरुले नगरपालिकाको वडा नम्बर ५ कुसहास्थित पूर्व पश्चिम राजमार्गमा चक्काजाम गरेका हुन् ।
बुधबार दिउँसो ५ः३० बजेदेखि ६ बजेसम्म चक्काजाम गर्दा दर्जनौं सबारीसाधन थन्किएको थियो ।
चक्काजाम गरेपछि पुगेको प्रहरी टोलीले घट्नाको सुक्ष्म अनुसन्धान गर्दै दोषीलाई चाँडै नियन्त्रणमा लिने प्रतिबद्धता व्यक्त गरेपछि चक्काजाम खोलिएको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
