राजविराजमा संचालित तेस्रो संस्करणको मधेश प्रिमियर लिग (एमपिएल) अन्तर्गत शुक्रबार भएको खेलमा बलान बिहुल सुपर किङ्स र मिथिला वारियर्सले जीत हात पारेको छ ।
शुक्रबार भएको पहिलाे खेलमा बलानले काेशीलाई ८१ रनले र दाेस्राे खेलमा जनकपुर सनराईज लाई ५ विकेटले पराजित मिथिला वारियर्सले जीत हात पारेको हो ।
पहिलाे खेलमा टस जितेर बलानले निर्धारित १२ ओभरकाे खेलमा ८ बिकेट गुमाएर १४१ रन बनायो ।
उसका लागि ईमरान शेखले सर्वाधिक ४१ रन बनाए भने राशिद खानले ३०, अरनिकाे यादवले २० तथा बिकास दासले अविजित १३ रन बनाए ।
बलिंग तर्फ काेशीका भिम यादब ३, अनुज चाैहान २ तथा माेहम्मद साेहिल, साजन दास, नवीन यादवले १/१ विकेट लिए ।
प्रतिउतरमा ब्याटिङ थालेको काेशीले १२ ओभरमा ९ बिकेट गुमाएर ६० रनमै खुम्चियो । जसमा नविन कुमार यादबले ३३ रन बनाउनु बाहेक अन्य कुनै खेलाडीले दाेहाेर अंक बनाउन सकेनन ।
बलिङतर्फ बिहुलका बिवेक यादब, राशिद खान र भुवन कार्की २/२ तथा विकास दासले १ विकेट हात पारे ।
खेलको म्यान अफ द म्याच बलानका राशिद खान घाेषित भए ।
दोस्रो खेलमा टस जितेर हारेर पहिला ब्याटिङ गरेको जनकपुरले निर्धारित २० ओभरकाे खेलमा १८ ओभर ५ बलमा सबै बिकेेट गुमाएर १२२ रनकाे याेगफल खडा गर्यो।
जसमा मयन यादब ३६ रन, राष्ट्रिय खेलाडी आशिफ शेखले १८ रन, आरिफ शेख ११ रन र बिशाल पटेलले २२ रन बनाए ।
बलिंग तर्फ मिथिला वारिर्यसका शेर मल्लले उत्कृष्ट बलिंग गर्दै ४ ओभरमा १५ रन खर्चे ४ बिकेट हात पारे भने राष्टिय खेलाडी कुशल भुर्तेलले २ विकेट, राष्ट्रिय खेलाडी दिपेन्द्र सिँह ऐरी र अर्का राष्ट्रिय खेलाडी बसिर अहमदले १/१ विकेट हात पारे ।
प्रतिउतरमा १ सय २३ रनकाे लक्ष्य पछयाउने क्रममा मिथिला वारियर्स १४ ओभर ३ बलमा ५ विकेट गुमाएर जीत हात पार्यो ।
वारियर्सलाई जिताउन राष्ट्रिय खेलाडी कुशल भुर्तेलले ७ चाैका र ३ छक्काकाे मद्दतले ५६ रन बनाए ।
अर्का राष्ट्रिय खेलाडी दिपेन्द्र सिँह ऐरीले २३ रन तथा बसिर अहमदले अविजित १२ रन र सुमित महर्जनले अविजित ७ रन बनाए ।
बलिंग तर्फ जनकपुरका विशाल पटेल २ तथा विशाल सुश्लिंग, फदेह सिद्विकी र प्रदिप पासवानले १/१ विकेट लिए ।
खेलकाे म्यान अफ दि म्याच मिथिला वारिर्यसका कुशल भुर्तेल घाेेषित भए ।
प्रतियोगिता अन्तर्गत शनिबार पनि २ खेल हुनेछ । पहिलाे खेल काठमान्डाै राेयल्स र छिन्मस्ता तथा सप्तरी बलान बिहुल र मिथिला वारियर्स बिच हुने मधेश प्रिमियर लिगका अध्यक्ष संजिव नारायण यादबले जानकारी दिए।
