राजविराज । राजविराजमा जारी तेस्रो संस्करणको मधेश प्रिमियर लिग (एमपिएल) टि-ट्वान्टी क्रिकेट प्रतियोगिता अन्तर्गत आइतबार भएको दुई खेलमा जनकपुर सनराईज र बलान बिहुल विजयी भएकाे छ ।
काेशी दुहबी क्यापिटललाई १९८ रनको फराकिलो अन्तरले पराजित गर्दै जनकपुर र काठमाडौ रोयल्सलाई ६ विकेटले पराजित गर्दै बलान बिहुल विजयी भएको हो ।
पहिलाे खेलमा टस हारेर पहिले ब्याटिङ गरेको जनकपुर निर्धारित २० ओभरको खेलमा ५ विकेट गुमाएर २३५ रनकाे विशाल याेेगफल बनायो । यो योगफल बनाउने क्रममा विशाल सुश्लिंगले बिष्फाेटक ब्याटिंग गर्दै अविजित ८० रन बनाए ।
यस्तै, मयन यादव ६६, विशाल पटेल ४७ र आदिल खानले २५ रनकाे याेगदान दिए।
बलिंगतर्फ साजन कुमार दास ३ तथा नवीन यादव र आयुष राैनियारले १/१ विकेट लिए ।
जवाफमा ब्याटिङ थालेको काेशी दुहबी ७ ओभर ४ बलमा अलआउट हुँदै ३७ रन मात्र बनाउन सक्यो ।
दुहबीका लागि नवीन यादव र माेहम्मद साेहिलले १५/१५ रन बनाए भने ७ जना ब्याटर खाता न खाेल्दै आउट भएका थिए।
दुहबीलाई सस्ताेमा आउट गर्न बिपिन खत्रीले किफायती बलिंग गर्दै ४, प्रदिप पासवान ३, विशाल पटेल २ तथा तुल बहादुर मगरले १ विकेेट लिए ।
खेलकाे म्यान अफ दि म्याच विशाल सुश्लिंग घाेषित भए ।
काठमान्डाै राेयल्स र बलान बिहुल सुपर किंग बिच भएकाे खेलमा टस जितेर काठमान्डाैले पहिला ब्याटिंग गर्दै १५ ओभर ४ बलमा सबै बिकेट गुमाएर ६५ रन मात्रै बनायो ।
मिलन बाेहराले ११ र रूपेश सिँहले १० रन बनाउने बाहेक अरू कुनै खेलाडीहरू दाेहाेेराे रन समेत बनाउन सकेनन् ।
बलिंगतर्फ भुवन कार्की र अरनिकाे प्रसाद यादवले ४/४ विकेट हात पार्दा राशिद खान र विवेक यादवले १/१ विकेट लिए ।
जवाफमा बलान बिहुलले ७ ओभर ३ बलमा ४ विकेट गुमाएर जीत हात पार्यो ।
जसमा ईमरान शेखले अविजित ३२ रन खेल्दै टिमलाई जित तर्फ सहज गराएका थिए।
यस्तै, लाेकेश बमले १२ रन बनाए ।
बलिंगतर्फ काठमाडौका नरेन साउदले ३ विकेट लिए ।
खेलकाे म्यान अफ दि म्याच भुवन कार्की घाेषित भए ।
