राजविराज । आफ्नो १८ औं बार्षिकोत्सवको अवसरमा सिटिजन्स ईन्टरनेसनल बैंकद्वारा आईतबार बिहान राजविराजमा प्रभातफेरी र रक्तदान कार्यक्रमको आयोजना गरिएको छ ।
बैंकको बिभिन्न ठाउँमा रहेको ८ वटा शाखाका सम्पूर्ण कर्मचारीद्वारा प्रभातफेरीको आयोजना गरिएको हो । राजविराज, बोदे बर्साइन, पातो, कल्याणपुर, भारदह, कंचनपुर, फत्तेपुर र सिरहाको लहान गरी ८ वटा शाखाका कर्मचारीको सहभागितामा निकालिएको प्रभातफेरी राजविराज नगरको बिभिन्न भाग परिक्रमा गरेको थियो ।
प्रभातफेरीपछि रक्तदान कार्यक्रमको आयोजना गरियो । कार्यक्रममा १६ जनाले रक्तदान गरेका छन् ।
प्रकाश नेपाल, अमिर रहमान, प्रशान्त देव, प्रवेश मिश्रा, जिबनारायन यादव, नवीन साह, रजनिस यादव, आशुतोष झा, सन्तोष मण्डल, आरिफ हुसेन, अमल दास, बिवेक झा, राघब पोखरेल, डेबिड चौधरी, प्रतोश यादव, जनक कार्कीले रक्तदान गरेका छन् ।
बैंकका कलस्टर प्रमुख प्रकाश नेपालका अनुसार अहिले देशको ६१ जिल्लामा २०० वटा शाखाहरू मार्फत करिव १९ लाख ग्राहकहरूलाई सेवा प्रदान गरिरहेको जानकारी दिए ।
