राजविराज । मधेश प्रिमियर लिग प्रालिको आयोजना तथा मधेश प्रदेश सरकारको सहयोगमा राजविराजमा संचालित मधेश प्रिमियर लिग (एमपिएल) काे बिहिबार को पहिलो खेलमा जनकपुर सनराईजर्सले छिन्नमस्ता रुपनी मधेश राइडर्सलाई २ विकेटले पराजित गर्दे विजयी सुरुवात गरेको छ।
छिन्नमस्ता रुपनी मधेश राइडर्सले पहिले ब्याटिंग गर्दै ९ विकेट को क्षतिमा ११३ रन बनायो । उसका लागि दिपेश दासले २८, अभिशेक कार्की २१, शंकर राना १७,रोहन विक १२, संतोश कार्की ११ रनकाे याेगदान दिए ।
बलिंग तर्फ जनकपुर सनराईजर्स को तुल बहादुर मगरले ३ विकेट, विशाल सुशलिंग २ विकेट, विशाल पटेल-१,आरिफ सेख-१, रुपेश यादव-१ विकेट लिए ।
प्रतिउतरमा ब्याटिङ गरेको जनकपुर सनराईजर्स १५ ओभर ३ बलमा ९ विकेट गुमाउँदै जित हासिल गर्यो । उसका लागि विशाल पटेल ३२, अखिल सर्वन २४, विशाल सुशलिंग, आदिल खान र मयन यादव समान १२ रनको योगदान दिए ।
बलिंगतर्फ छिन्नमस्ता रुपनी मधेश राइडर्सका दिनेश अधिकारी, अभिशेक कार्की र दिवान पुनले २/२ तथा हेमन्त धामीले १ विकेट लिन सफल भए ।
खेलको म्यान अफ द म्याच विशाल कुमार पटेल भए ।
बिहिबारै भएको दोस्रो खेलमा मिथिला वारियर्स १४ रनले विजयी भएको छ ।
मिथिला वारियर्स पहिले ब्याटिंग गर्दै ९ विकेट को क्षतिमा १५८ रन बनायो । सुमित महर्जन ५३, रवि साह ३०, दिपेन्द्र सिंह ऐरी अविजित २३, बसन्त खत्री १४ र बसिर अहम्मदले १० रन बनाए ।
बलिंग तर्फ बाट काठमाण्डौ रोयल्सका अमित श्रेष्ठ ३ विकेट, रामनरेश गिरी २ विकेट तथा रुपेश सिंह,दिपेश श्रेष्ठ र नरेन साउदले १ विकेट लिए ।
प्रतिउतरमा ब्याटिङ थालेको काठमाडौं रोयल्स निर्धारित २० ओभरमा ९ विकेट गुमाउँदै १४४ रन मात्र बनाउन सक्यो । काठमाडौका लागि अर्जुन साउद ३३, अमित श्रेष्ठ २४, रुपेश सिंह २४ र केशव साउदले १४ रन बनाए ।
बलिंगतर्फ मिथिला वारियर्सका दिपेन्द्र सिंह ऐरी ४ विकेट लिंदा नन्दन यादव, बसिर अहमद र बसन्त खत्रीले १/१ विकेट लिए । खेलकाे उक्त म्यान अफ द म्याच दिपेन्द्र सिंह ऐरी घाेषित भए ।
प्रतियोगिता अन्तर्गत शुक्रबार हुने दुई खेलमा कोशी दुहबी क्यापिटलविरुद्ध सप्तरी बलान बिहुल विष्णुपुर सुपरकिंगस र जनकपुर सनराईजर्सविरुद्ध मिथिला वारियर्ससबीच हुने एमपीएलका अध्यक्ष ई. संजिव नारायण यादबले जानकारी दिए।
