राजविराज । सप्तरीबाट हवाई फायर गर्दै प्रहरीले दुई जना लागूऔषध कारोबारीलाई नियन्त्रणमा लिएको छ ।
जिल्लाको छिन्नमस्ता गाउँपालिका १ बरहीबिरपुरबाट उनीहरुलाई पक्राउ गरिएको प्रहरीले जनाएको छ । सप्तरी प्रहरीका प्रमुख एसपी गौतम केसीका अनुसार पक्राउ परेकाहरुको साथबाट सय ग्रामभन्दा बढी लागूऔषध खैरो हेरोइन बरामद भएको छ ।
खटिएको प्रहरी टोलीले उनीहरुलाई नियन्त्रणमा लिन खोज्दा भाग्न खोजेका थिए । भाग्न खोजेका उनीहरुलाई नियन्त्रणमा लिन दुई राउण्ड हवाई फायर गर्नुपरेको एसपी केसीले बताए ।
अहिले उक्त ठाउँमा ठूलो संख्यामा सुरक्षाकर्मी परिचालन गरी अन्य अनुसन्धान शुरु गरिएको प्रहरीको भनाई छ ।
यो खबर पढेर तपाईलाई कस्तो महसुस भयो ?
+1
1
+1
+1
+1
+1
+1
1
+1
