राजविराज । सप्तरीको राजगढ गाउँपालिकामा प्रहरीको गोली लागेर एक जनाको मृत्यु भएपछि सदरमुकाम राजविराजमा प्रदर्शन शुरु भएको छ ।
मृतकका आफन्त एवं गाउँले मिलेर जिल्ला प्रहरी कार्यालय अगाडि टायर बालेर प्रदर्शन शुरु गरेका हुन् । उनीहरुले टायर बालेर प्रहरीबिरुद्ध नारावाजी गरिरहेका छन् ।
सप्तरीको राजगढ गाउँपालिका वडा नम्बर २ मा प्रहरी र स्थानीयबीच मध्यरातमा झड्प भएको छ ।
मदिरा भारततर्फ तस्करी भइरहेको सूचनाको आधारमा पुगेको प्रहरी टोलीमाथि स्थानीयले एक्कासी ढुँगामुडा गर्न थालेपछि प्रहरीले गोली चलाएको छ । गोली लागेर स्थानीय एक व्यक्तिको मृत्यु भएको छ ।
मृत्यु हुनेमा स्थानीय लालु यादव छन् । प्रहरीको गोली लागेर घाइते भएका अन्दाजी ३७ बर्षीय यादवको उपचारका क्रममा गजेन्द्रनारायण सिंह अस्पताल, राजविराजमा मृत्यु भएको छ ।
यो खबर पढेर तपाईलाई कस्तो महसुस भयो ?
+1
+1
1
+1
+1
+1
+1
1
+1
