राजविराज । प्रहरीको गोली लागेर राजगढ गाउँपालिकाका लालु यादवको मृत्यु भएपछि संघर्षमा उत्रिएका पक्षले आन्द्योलनका सम्पूर्ण कार्यक्रम स्थगित गरेको छ ।
बिहीबार बसेको सर्वपक्षीय, सर्वदलीय बैठकमा आन्दोलनका सम्पूर्ण कार्यक्रम फिर्ता लिएको हो ।
प्रहरीको गोली लागेर मृत्यु भएको खुबलाल , जगरनाथ, शक्ति आधारभुत विद्यालय ब्यबस्थापन समितिका अध्यक्ष लालु यादवको निधन प्रती गहिरो दुख ब्यक्त गर्दै बैठकले सर्च र गस्तीमा खटिएका प्रहरी निरीक्षक बीरेन्द्र यादवलाई घटनाको छानबिन हुँदासम्म जिम्मेवारीबाट मुक्त गर्न तालुक निकायमा लेखी पठाउने निर्णय भएको छ ।
घटनाको उच्चस्तरीय छानबिन समिति गठनका लागि सम्बन्धित निकायमा लेखि पठाउने र क्षतिपूर्तिको सम्बन्धमा छानबिन समितिको प्रतिबेदन अनुसार हुने बैठकको निर्णयमा भनिएको छ ।
मृतकको शव परिवारका सदस्य, आन्दोलनरत पक्षले बुझी प्रचलित धर्म संस्कृति अनुसार अन्तिम संस्कार गर्ने र आन्दोलनरत पक्षहरूले आन्दोलनको सबै कार्यक्रम फिर्ता लिने सहमति भएको छ ।
