राजविराज । प्रहरीको गोली लागेर एक जनाको मृत्यु भएको बिषयलाई लिएर राजविराज दिनभर तनावग्रस्त रह्यो ।
सप्तरीको राजगढ गाउँपालिका वडा नम्बर २ मा प्रहरी र स्थानीयबीच मध्यरातमा झड्प भएको थियाो ।
मदिरा भारततर्फ तस्करी भइरहेको सूचनाको आधारमा पुगेको प्रहरी टोलीले चलाएको गोली लागेर स्थानीय ३७ बर्षीय लालु यादवको मृत्यु भएको छ । प्रहरीले स्थानीयले एक्कासी ढुँगामुडा गर्न थालेपछि प्रहरीले गोली चलाएको बताएको छ भने परिवारजनले प्रहरीले नियन्त्रणमा लिएर गोली हानेको बताएका छन् ।
घट्नाको बिरोधमा बुधबार बिहानैदेखि मृतकका आफन्त र गाउँले मिलेर प्रदर्शन गरेका छन् । जिल्ला प्रहरी कार्यालय, जिल्ला प्रशासन कार्यालय अगाडिसहित नगरको बिभिन्न भागमा उनीहरुले प्रदर्शन गरेका छन् ।
उनीहरुले घट्नाको छानबिन गरी गोली चलाउने प्रहरीलाई कार्वाही, मृतकका परिवारलाई क्षतिपूर्तीको माग गरेका छन् ।
प्रदर्शनलाई नियन्त्रणमा लिन प्रहरीले अश्रुग्यास प्रहार गरेको छ । प्रहरीमाथि नै ढुँगा हान्न थालेपछि दुई राउण्ड अश्रु ग्यास प्रहार गरिएको सप्तरी प्रहरीका प्रबक्ता एवं डीएसपी जितेन्द्र कुमार बस्नेतले जानकारी दिए ।
