राजविराज । ७४ औं अन्तर्राष्ट्रिय भन्सार दिवसको अवसरमा सप्तरीमा विभिन्न ब्यक्तिलाई सम्मान गरिएको छ ।
दिवसको अवसरमा राजविराज भन्सार कार्यालयले सोमबार आयोजना गरेको कार्यक्रममा उनीहरूलाई सम्मान गरिएको हो । राजश्व संकलनमा सहयोग गर्ने, गस्ती परिचालन गर्नेहरूलाई कार्यक्रममा सम्मान गरिएको हो ।
चलचित्र पैठारीतर्फ सबैभन्दा बढी राजश्व संकलन गर्ने ए एट डिसट्रिब्युसन प्रालि, मालवस्त्तुको पैठारीतर्फ सबैभन्दा बढी राजश्व संकलन गर्ने ओम ट्रेडर्स राजविराज, गस्ती परिचालन र व्यापार सहजीकरणमा उत्कृष्ट भूमिका निर्वाह गरेको भन्दै प्रहरी चौकी तिलाठी र सशस्त्र प्रहरी बल बिओपी तिलाठीलाई सम्मान गरियो ।
यस्तै, भन्सार विभाग तर्फबाट उत्कृष्ट कर्मचारी नायव सुब्बा विजय कुमार साह, कम्प्युटर अपरेटर प्रवीण कुमार दास तथा भन्सार एजेन्ट सन्तोष कुमार सिंह र इन्द्रनाथ मिश्रलाई प्रशंसा पत्र प्रदान गरियो ।
कार्यक्रमका प्रमुख अतिथि प्रमुख जिल्ला अधिकारी टुवराज पोखरेल, कोष तथा लेखा नियन्त्रण कार्यालयका प्रमुख मनोज कुमार सुनुवारसहितकाले उनीहरुलाई सम्मान एवं प्रशंसा पत्र प्रदान गरे ।
राजविराज भन्सार कार्यालयका प्रमुख दिपेन्द्र चौरसियाको अध्यक्षतामा कार्यक्रमको आयोजना गरिएको हो ।
