राजविराज । स्वाभिमान पार्टीका दुई जना उम्मेदवारले राजविराजस्थित गजेन्द्रनारायण सिंहको शालिकमा मार्ल्यापण गरेका छन् ।
राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र साह (बालेन) ले गाडीबाटै शालिकमा माला फ्याँकेर अपमान गरेको दृश्य देखेपछि आफूहरु मार्ल्यापण गर्नका लागि आएको उनीहरुले प्रतिकृया दिएका छन् ।
मधेश प्रदेशका पूर्व मुख्यमन्त्री एवं सप्तरी–२ का प्रतिनिधी सभा सदस्य पदका उम्मेदवार सतिश कुमार सिंह र क्षेत्र नम्बर १ का उम्मेदवार सुमित साहले शालिकमा मार्ल्यापण गरे ।
‘गजेन्द्र बाबू मधेशकै मसिहा हुनुहुन्छ, संघीयताका प्रणेता हुनुहुन्छ’ मार्ल्यापण गरेपछि सिंहले भने, ‘उहाँको सम्मान गर्न नजान्नेलाई अपमान गर्ने अधिकार पनि छैन् ।’
आफूलाई मधेशी भन्ने र मधेशमै आएर मधेशका लागि लडेका व्यक्तिको अपमान गर्नु ठीक नभएको उनले बताए ।
रास्वपाका वरिष्ठ नेता बालेन्द्र रोड शो गर्ने क्रममा गाडीबाटै शालिकमा माला फ्याँकेको भिडियो अहिले सामाजिक संजालमा भाइरल बनेको छ ।
