राजविराज । सप्तरीको कंचनरुप नगरपालिकाका उप मेयर मुना पोखरेलले नगरपालिका र मेयर ललन गुप्ताबिरुद्ध दायर गरेको अधिकांस रिट अदालतले खारेज गरिदिएको छ ।
लामो समयदेखि उच्च अदालत, जनकपुर राजविराज इजलासमा विचाराधीन रहेको रिटहरु उपर अदालतले बिहीबार आफ्नो आदेश दिएको छ ।
आदेश बमोजिम चार वटा रिट खारेज, एउटा माग बमोजिम नहुने, दुई वटामा दावी नपुग्ने फैसला अदालतले गरेको छ ।
दुई वटामा आंशिक रिट जारी हुने अदालतको बिहीबारको इजलासले भनेको छ ।
अदालतका न्यायाधीशद्वय रामबहादुर थापा र शरला मोक्तानको संयुक्त इजलासले यस्तो आदेश दिएको हो ।
उप मेयर पोखरेलले नगरपालिका र मेयर गुप्तालाई विपक्षी बनाएर ९ वटा रिट दायर गरेकी थिइन् ।
