राजविराज । सप्तरी क्षेत्र नम्बर ३ मा नेपाली कम्युनिष्ट पार्टी (नेकपा) बाट उम्मेदवारी दिएका अरुण कुमार साहले घरदैलोलाई तिब्रता दिएका छन् ।
उम्मेदवार साहले बिहानदेखि बेलुकासम्म घरदैलौ गरिरहेका छन् । यसै क्रममा उनले शनिबार दुई पालिकाको पाँच वडामा घरदैलो गरेका छन् ।
रुपनी गाउँपालिकाको वडा नम्बर १, २ र ३ तथा शम्भुनाथ नगरपालिकाको दुई वडामा मतदातासँग भेटघाट गर्दै मत मागेका छन् । घरदैलोका क्रममा उनले यो क्षेत्रको समग्र विकासका लागि प्रतिबद्धता जनाएका छन् ।
घरदैलोका क्रममा मतदाता आफूलाई मतदान गर्न उत्साहित देखिएको उनले बताए । ‘म यसै क्षेत्रको बासिन्दा हुँ, क्षेत्रको अवस्थाबारे जानकार छु’ उम्मेदवार साहले भने, ‘यसैले जनताले आफूलाई जिताउनेमा विश्वस्त छु ।’
तत्कालीन माओवादीको जनयुद्ध समयदेखि कृयाशिल रहेका साहको शरीरमा लागेको गोली अझै निस्किएको छैन् । उनी पटक–पटक जेल समेत परेका व्यक्ति हुन् ।
