मधेश सम्वाददाता
जनकपुरधाम, २७ भदौ ।
जनता समाजवादी पार्टी (जसपा) का प्रतिनिधी र प्रदेश सभा सदस्य नेकपा एमालेमा प्रवेश गरेका छन् ।
प्रतिनिधी सभा सदस्य रुही नाज र प्रदेश सभा सदस्य अन्जु कुमारी यादव एमाले प्रवेश गरेकी हुन् । सोमबार जनकपुरधाममा आयोजित कार्यक्रममा उनीहरु एमाले प्रवेश गरेकी छन् । एमाले प्रवेश गरेका दुबै जसपाका केन्द्रीय सदस्य पनि हुन् ।
यस्तै, नेपाली कांग्रेसका पूर्व उपसभापति सन्तोष यादव, जसपाका केन्द्रीय सदस्य रामउदिन राम, शम्भु साह, पूर्व राज्य मन्त्री अरबिन्द साहसहितका पनि एमाले प्रवेश गरेका छन् ।
उनीहरुलाई एमाले अध्यक्ष केपी शर्मा ओलीले माला तथा गमछा लगाएर पार्टीमा स्वागत गरेका छन् ।
नेकपा एमालेका अध्यक्ष केपी शर्मा ओलीलाई जनकपुरधाममा २०५ किलोको मालाले स्वागत गरिएको छ ।
एमालेको जनकपुरधाम नगर कमिटिका पदाधिकारीले अध्यक्ष ओलीलाई २०५ किलोको फुलको मालाले स्वागत गरेका हुन् ।
