राजविराज । सप्तरी प्रहरीले होली पर्व अरुलाई असर नपुग्ने गरी मनाउन सबैसँग अपील गरेको छ ।
होली पर्वलाई सुरक्षित तवरले सभ्य रुपमा मनाउने सन्दर्भमा सुरक्षा व्यवस्थापन मिलाएको भन्दै प्रहरीले अरुलाई असर नपु¥याई पर्व मनाउन अपील गरेको हो ।
होलीमा ८१५ प्रहरी परिचालन गरिने र कुनै अप्रिय घटना नहोस् भनि सवै जनालाई सचेत गराउँदै जिल्ला भरिमा सबै प्रहरी युनिटबाट जिंगल पनि बजाई रहेको जिल्ला प्रहरी प्रमुख एसपी नरेन्द्र कुमार कार्कीले जानकारी दिए ।
उनका अनुसार जिल्लाका संवेदनसिल ४५ स्थानमा पिकेट डिउटी, १८ स्थानमा ट्राफिक सहितको चेकिङ प्वाईन्ट, ९ वटा गाडी मोबाईल, २५ वटा क्वीक रिस्पोन्स टिम (क्यूआरटी) परिचालन गरी सुरक्षा व्यवस्थापन मिलाईएको छ ।
होली पर्वलाई सभ्य र भव्य रुपमा मनाउन भन्दै प्रहरीले आफन्त वा साथीभाईसँग मात्र होली खेल्न, उच्छृङख्ल कृयाकलाप नगर्न, कसैको ईच्छा विपरित रंग, अबीर, पानी, केमिकल नछयाप्न, महँगा गरगहना लगाएर होली खेल्न नजान, अपरिचित व्यक्तिले दिएको खानेकुरा नखान, मादक पदार्थ सेवन गरेर सवारी साधन नचलाउन, ट्राफिक नियमको पालना गर्न, चर्काे स्वरमा संगीत वा माईक नवजाउन आग्रह गरेको छ ।
