राजविराज । सप्तरीमा एक मोटरसाइकललाई ठक्कर दिएर भाग्दै गरेको एक कार आफैं दुर्घटनामा परेको छ ।
जिल्लाको हनुमाननगर कंकालिनी नगरपालिका वडा नम्बर १ भारदहको कंकालिनी मन्दिर अगाडि पश्चिमबाट पूर्वतर्फ जाँदै गरेको बीआर ३८जेड ६००३ नम्बरको कारले सोही दिशा तर्फ जादै गरेको को.३६प ४८०५ नम्बरको मोटरसाइकललाई ठक्कर दिएर भाग्न लागेका थिए ।
सोही क्रममा कंकालिनि मन्दिर र कोशी ब्यारेजको बीचमा कार आफै अनियन्त्रित भई सडकको बाँया साईडमा पल्टिएर दुर्घटना भएको प्रहरीले जनाएको छ ।
दुर्घटनामा उक्त कारमा सबार सप्तकोशी नगरपालिका १ बस्ने २१ बर्षीय अभिषेक साह र २८ बर्षीय बिबेक चौधरी घाइते भएका छन् । दुर्घटनापछि कार चालक कञ्चनरुप नगरपालिका बस्ने ३१ बर्षीय सुमित यादव फरार भएको र खोजी भइरहेको प्रहरीको भनाई छ ।
कारले दिएको ठक्करबाट मोटरसाइकल चालक सुनसरी भोक्राहा नर्सिङ १ बस्ने देवानन्द मेहता, पछाडी सवार सप्तरीको अग्निसाईर कृष्णासवरण गाउँपालिका ४ महुली टोल बस्ने २८ बर्षीया आरती मेहता सामान्य घाइते भएका छन् । उनीहरुको भारदह अस्पतालमा उपचार भईरहेको जिल्ला प्रहरी कार्यालय, राजविराजले जनाएको छ ।
