बाख्रा चराउन गएकी बालिका गहुँ पोल्न खोज्दा जलेर घाइते

राजविराज । सप्तरीमा गहुँ पोल्न लागेकी एक बालिका जलेर घाइते भएकी छन् ।
घाइते हुनेमा राजविराज नगरपालिका ९ बिहारपुर बस्ने मोहम्द हेदरकी ९ बर्षीया छोरी फर्दिना खातुन रहेको प्रहरीले जनाएको छ ।
घरदेखि ५ सय मिटर पूर्वपट्टी बाख्रा चराउन गएको अवस्थामा उनी गँहु पोली खान खोजेकी थिइन् । त्यहीं क्रममा उनले लगाएको कपडामा आगो सल्कन गई घाईते भएको सप्तरी प्रहरीका प्रबक्ता एवं डीएसपी नरेश कुमार सिंहले जानकारी दिए ।
तत्कालै उनलाई उपचारका लागि गजेन्द्र नारायण सिंह अस्पताल राजविराज ल्याएपनि थप उपचारको लागी विराटनगर लगिएको छ । बालिकाको छाति भन्दा मुनिको भाग ४० प्रतिशत जलेको छ ।
घटनाबारे थप अनुसन्धान भइरहेको प्रहरीले जनाएको छ ।