राजविराज । इन्धनको मूल्यमा भारी कटौती गरिएको छ ।
नेपाल आयल निगमले डिजेल, मट्टीतेल र हवाई इन्धनको मूल्य लिटरमा १०÷१० रुपैयाँको दरले घटाएको छ । पेट्रोलको मूल्य प्रति लिटर ३ रुपैयाँ घटाइएको छ ।
सोमबार बसेको निगम सञ्चालक समिति बैठकले यस्तो निर्णय गरेको निगमका कार्यकारी निर्देशक उमेशप्रसाद थानीले जानकारी दिएका छन् ।
खाना पकाउने ग्याँसको मूल्य भने हाललाई यथावत नै राखिएको छ ।
निगम सञ्चालक समितिको सो निर्णयसँगै अब डिजेल र मटीतेलको खुद्रा मूल्य प्रतिलिटर १६५ रुपैयाँ कायम भएको छ । यसअघि डिजेल र मटीतेलको खुद्रा मूल्य १७५ रुपैयाँ लिटर थियो । यस्तै हवाई इन्धन आन्तरिक र बाह्यतर्फ पनि औसत लिटरमा १० रुपैयाँले मूल्य घटेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
