राजविराज । मैथिली भाषाको संरक्षण, सम्वद्र्धनमा सकृय मैथिली साहित्य परिषद, राजविराजको १७ औ साधारण सभा शनिबारदेखि प्रारम्भ भएको छ ।
एक कार्यक्रमकाबीच नेपाल रेल्वे विभागका महाप्रबन्धक निरन्जन झाले साधारणसभाको उद्घाटन गरे । त्यस अवसरमा बोल्दै उनले मैथिलीको संरक्षण, सम्वद्र्धन गर्न परिषदले गरेको कामको प्रशंसा गरे ।
उनले मैथिली भाषा धेरै पुरानो भाषा भएपनि यसको विकासका लागि राज्यले ध्यान दिन नसकेको बताए । मैथिली साहित्यका गतिविधीलाई जोड दिनुपर्ने भन्दै उनले यसको विकासका लागि सबैले ध्यान दिनुपर्ने उल्लेख गरे ।
कार्यक्रममा मैथिली महिला परिषदका संस्थापक अध्यक्ष मिना ठाकुर, अन्तराष्ट्रिय मैथिली परिषदका उपाध्यक्ष करूणा झा, भाषाबिज्ञ डा. सुर्या यादब, परिषद्का अध्यक्ष देवेन्द्र मिश्र, बिष्णु मण्डल, बिवेकानन्द मिश्र, अशोक झा, उपाध्यक्ष श्यामसुन्दर यादब, नेपाल पत्रकार महासंघ केन्द्रीय सदस्य ललिता साहसहितकाले मन्तव्य व्यक्त गरेका थिए ।
परिषदका अध्यक्ष सतिश दत्तको अध्यक्षतामा भएको उद्घाटन सत्रपछि बन्द सत्रका कार्यक्रम शुरु भएको अध्यक्ष दत्तले बताए । उनका अनुसार नयाँ कार्यसमिति समेत चयन हुनेछ ।
