राजविराज । गहुँ दौनी गर्ने थ्रेसर मेसिनमा कपाल अल्झिएर गम्भीर घाइते भएकी सप्तरीकी एक महिलाको मृत्यु भएको छ ।
जिल्लाको खडक नगरपालिका वडा नम्बर ८ खेस्राहा बस्ने गुदुर मियाँकी ३५ बर्षीया पत्नी मैहरुम खातुनको मृत्यु भएको प्रहरीले जनाएको छ ।
गत २२ चैतमा आफनै खेतमा गहुँ दौनी गर्ने क्रममा खातुनको कपाल (केस) मेसिनमा अल्झिँदा टाउकोको आधी छाला ताछिएको अवस्थामा उपचारका लागि विराटनगर लगिएको थियो । उनको उपचारकै क्रममा शुक्रबार मृत्यु भएको जिल्ला प्रहरी कार्यालय, राजविराजले जनाएको छ ।
थ्रेसर लोड भएको प्रदेश २–०१–००१ त ०२१५ नम्बरको ट्याक्टर र थ्रेसर समेत नियन्त्रणमा लिएको र फरार भएका चालकको खोजी भइरहेको प्रहरीको भनाई छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
