राजविराज । जेलबाट छुटेका पूर्व सांसद रेशम चौधरीले टिकापुर घट्नाको अन्तिम सत्य बुझ्नका लागि लाल आयोगको प्रतिवेदन सार्वजनिक हुनुपर्ने बताएका छन् ।
जेलबाट रिहा भएपछि काठमाडौंका संचारकर्मीसँग कुरा गर्दै चौधरीले लाल आयोगको प्रतिवेदन सरकारले छिट्टै सार्वजनिक गर्नुपर्नै बताए । ‘टिकापुर घट्नाका भिडियोहरु छताछुल्ल छ । आन्दोलनकारीको हातमा हतियार थिएन्’ उनले भने, ‘राज्यले गुमराहमा राख्नुहुन्न । परिवारले अन्तिम सत्य बुझ्नका लागि लाल आयोगको प्रतिवेदन सार्वजनिक हुनुपर्छ ।’
टिकापुर घट्नाको सुक्ष्म अनुसन्धान हुनुपर्ने भन्दै उनले धरातलमा रहेका नागरिकसँग सोध्नुपर्ने, नांगो आँखाले देखेकासँग बयान लिनुपर्ने बताए ।
‘आन्दोलनकारी र सहादत्त दिएका परिवारबीच छलफल गरी एकअर्काको वेदना सुन्नुपर्छ’ उनले भने, ‘दुबै पक्षले एकअर्काको वेदना सुनी असली दोषीलाई कार्वाही गराउनुपर्छ ।’ ।
